نیوزی لینڈ کادورہءیواے ای کے لیے اے ٹیم کا اعلان

ولنگٹن:نیوزی لینڈ کرکٹ بورڑ نے ضابطہ اخلاق کی خلاف ورزی کرنے پر ٹیم سے باہر ہونے والے بلے باز جیسی رائیڈر کو طویل عرصے کے بعد متحدہ عرب امارات کے دورے کے لیے13رکنی اے ٹیم میں شامل کرلیا۔جیسی رائیڈر کو اے ٹیم میں شامل کرنے سے ورلڈ کپ میں شمولیت کے امکانات بھی بڑھ گئے ہیں۔ جیسی رائیڈر نے حال ہی میں آئرلینڈ کے خلاف مقامی کلب کی جانب سے 57گیندوں میں 136رنز کی اننگز کھیلی تھی جبکہ رائیڈر پچھلے سال جنوری سے نیوزی لینڈ ٹیم کا حصہ نہیں۔ نیوزی لینڈ کی اے ٹیم کا دورہ23نومبر سے شروع ہوگا۔اے ٹیم میں کائل ملز(کپتان)، ڈین براﺅنیل، ڈیرک ڈی بورڈر، کولن ڈی گرینڈ ہوم، اینٹن ڈیوچ، مارٹن گپٹل، میٹ ہینری، مچل مک کلینیگن، ناتھن میک کولم ،ایڈم میلنے۔ کولن مونرو، جیسی رائیڈر اور ڈینئیل ویٹوری شامل ہیں۔