وفاقی بجٹ عوام دوست نہیں عوام دشمن اور عوام کُش ہے:ہمدرد شوریٰ

راولپنڈی(پی پی آئی) ہمدرد شوریٰ کا اجلاس ہمدرد مرکز میں منعقد ہواپروفیسر نیاز عرفان سابق صدر نشیں فیڈرل بورڈ و اسپیکر ہمدرد شوریٰ نے افتتاحی خطاب میں ارکان ِ شوریٰ کو صدر ہمدرد شوریٰ کی جانب سے موصولہ مراسلہ کے مندرجات پر اظہار خیال کی دعوت دی اسپیکر اور اراکین نے بحث کرتے ہوئے کہا کہ موجودہ وفاقی بجٹ 2024-25 عوام دوست نہیں عوام دشمن اور عوام کُش بجٹ ہے یہ بجٹ آئی ایم ایف کا تیار کردہ بجٹ ہے پاکستانی عوام پر آئی ایم ایف کی جانب سے ایک بڑی ڈکیتی ہے بجٹ کے بارے میں خود وزیراعظم پاکستان اور وزیر ِ خزانہ نے تسلیم کیا ہے کہ یہ آئی ایم ایف کا بجٹ ہے بجٹ میں عوام خصوصاً تنخواہ دار طبقہ پر ٹیکسوں کا مزید بوجھ ڈالا گیا ہے۔پی پی آئی کے مطابق ان دانشوروں نے بھی حکومت پر زور دیا کہ وہ وفاقی بجٹ پر نظر ثانی کرے اور عوام کو جینے کا حق دے اس موقع پر اسپیکر ہمدرد شوریٰ اور دیگر شرکاء نے آئی ایم ایف کے چنگل سے نجات کے لئے خصوصی دعا کی۔