حکومت  ئین کو نہیں مان رہی،بیساکھوں کے سہارے کھڑی ہے: علی امین گنڈا پور

راولپنڈی(پی پی آئی)وزیراعلیٰ خیبرپختونخوا علی امین گنڈاپور نے کہا ہے کہ یہ حکومت بیساکھوں کے سہارے بیٹھی ہے، نہ ہی آئین کو مان رہی ہے نہ عدالتوں کو، ملک میں سزاوجزا نہیں ہے۔راولپنڈی میں میڈیا سے گفتگو کرتے ہوئے انہوں نے کہا کہ عدلیہ کا احترام کرتے ہیں، بانی پی ٹی آئی کیخلاف کیسز میں کچھ نہیں نکلا، ہم ہمیشہ شخصیات کی بات نہیں، اداروں کی بات کرتے ہیں، نوازشریف اور آصف زرداری پر بھی پرچے ہیں، تھانہ کینٹ میں لیگل طریقے سے نوازشریف کیخلاف پرچہ درج ہے۔وزیراعلیٰ کے پی نے کہا کہ کہ اے پی سی میں شرکت کا فیصلہ بانی پی ٹی آئی کا ہے، مذاکرات کیلئے تیار ہیں لیکن پہلے مینڈیٹ واپس کریں۔ان کامزید کہناتھا کہ اگر بانی پی ٹی آئی کی بھوک ہڑتال ہوئی تو یہ پوری قوم کی طرف سے بھوک ہڑتال ہوگی۔علی امین گنڈاپور نے سابق وزیر اعلیٰ کے پی پرویز خٹک کو تنبیہ کرتے ہوئے کہا کہ جھوٹی گواہی نہ دیں، جھوٹی گواہیاں دیکر پراٹھے کھاسکیں گے، نہ سگریٹ پی سکیں گے۔

Leave a Reply

Your email address will not be published. Required fields are marked *

Next Post

فلور ملز ایسوسی ایشنز نے آٹے کی سپلائی بند کرنے کا اعلان کر دیا

Sat Jul 6 , 2024
کراچی(پی پی آئی)پاکستان پٹرولیم ڈیلرز ایسوسی ایشن کے بعد اب پاکستان فلور ملز ایسوسی ایشن نے آٹے کی سپلائی بند کرنے کی دھمکی دیدی  ہے۔پی پی آئی کے مطابق پاکستان فلور ملز ایسوسی ایشنز کے چیئرمین عاصم رضا نیکہا کہ دس جولائی سے مارکیٹ میں ٍسپلائی نہیں دیں گے، ملز میں اتنی گنجائش نہیں 5 فیصد ود ہولڈنگ ٹیکس دیا […]