وفاقی حکومت کا کراچی میں مائیرین بزنس ڈسٹرکٹ بنانے کا فیصلہ

اسلام آباد(پی پی آئی) وفاقی حکومت نے کراچی پورٹ ٹرسٹ کے ساتھ مل کر شہر قائد میں مائیرین بزنس ڈسٹرکٹ بنانے کا فیصلہ کر لیا۔ الیکٹرونک میڈیا رپورٹس کے مطابق مائیرین بزنس ڈسٹرکٹ بنانے کا فیصلہ خصوصی سرمایہ کونسل کی سفارشات پر ہوا۔ وزارت جہاز رانی اس منصوبے کی اہم ورک اسٹریم کو دیکھے گی۔میری ٹائم بزنس ضلع کراچی پورٹ ترقیاتی پیکج کے تحت بنایا جائے گا۔ منصوبے کے لیے زمین کی نشاندہی ہوچکی ہے اور پہلے مرحلے میں ایک ارب روپے خرچ کیے جائیں گے۔وزارت جہاز رانی کراچی میں 4 بڑے منصوے بنانے کا ارادہ رکھتی ہے اور گرین فیلڈ ماڈرن کوسٹل سٹی بنانے کا پلان بھی شامل ہے۔کورنگی فشریز بزنس پارک بھی بنانے کا فیصلہ کیا گیاہے جبکہ کوسٹل فری اکنامک زون بھی بنانے کی تجویز دی گئی ہے۔