فرانس میں فٹ لیگ کے دوران میچ فکسنگ کے الزام میں کئی افراد گرفتار

پیرس:فرانس کی لیگ ڈی پروفیشنل فٹ بال نے اعلان کیاہے کہ لیگ 2کے دوران کئی مشتبہ افراد کو میچ فکسنگ کے الزام میں گرفتار کیا گیاہے۔فرنچ پروفیشنل لیگ کے صدر فریڈریک تھیریز نے اپنے بیان میں کہا ہے کہ میچ فکسنگ کے الزام میں گرفتاریاں عمل میں لائی جاچکی ہیں۔انھوں نے زور دیا کہ الزام ثابت ہونے پر تمام ملزمان کو کڑی سزا دی جائے۔ انھوں نے کہا کہ اگر گرفتار افراد میں سے کوئی کرپشن ،فراڈ،غبن یا اس طرح کے کسی کام کی معمولی کشش بھی کی ہو تو ان کے خلاف فرنچ پروفیشنل لیگ ان کے خلاف مدعی بن جائے گی اور انھیں عبرت کا نشان بنائے گی، تاہم انھوں نے کہا کہ اس وقت تفتیش کے حوالے سے کچھ نہیں کہا جاسکتا۔