ایشین فٹ بال وارم اپ:دفاعی چمپین جاپان نے آسٹریلیا کو شکست دے دی

اوساکا:دفاعی چمپین جاپان نے آسٹریلیا کو ایشین فٹ بال کپ کے وارم اپ میچ میں1-2سے شکست دے دی۔آسٹریلیا کی ٹیم نے پہلے ہاف میں بہترین کھیل کا مظاہرہ کیا اور کھیل میں برتری دکھائی تاہم دوسرے ہاف میں ایشین چمپین نے عمدہ کارکردگی دکھاتے ہوئے دو گول داغے اور میچ 1-2سے جیت لیا۔ جاپان کی جانب سے متبادل کھلاڑی یاسوکی کونو نے 61ویں منٹ میںگول کا کھاتہ کھولاجبکہ دوسرا گول اسٹرائیکر شن جی اوکازاکی نے کرکے ٹیم کی جیت کو یقینی بنایا۔ آسٹریلیا کی جانب سے واحد گول ٹم کاہل نے کیا۔ دونوں ٹیموں کے درمیان 16ملکی ایشین کپ سے قبل یہ آخری وارم اپ میچ تھا،آسٹریلین ٹیم کوپچھلے 12میچوںمیں سے صرف دو میں کامیابی اور 8میں ناکامی کا سامنا کرنا پڑاہے۔