بائین میونخ کے اہم کھلاڑی فلپ لیہم ان فٹ ہوکر مقابلوںسے باہر

میونخ:جرمن فٹ بال کلب بائین میونخ کے تجربہ کارکھلاڑی فلپ لیہم ٹریننگ کے دوران ٹخنے کی انجری کا شکار ہوگئے۔ بائین میونخ نے اپنے اعلامیے میں کہا ہے کہ فلپ لیہم ٹخنے کی انجری کا شکار ہوگئے ہیں اور انھیں آپریشن کی ضرورت ہے اس دوران وہ تین ماہ کے لیے ٹیم سے باہر ہوں گے۔ فلپ لیہم نے ورلڈ کپ میںکپتان کی حیثیت سے جرمنی کی جیت میں اہم کردار ادا کیاتھا تاہم ورلڈ کپ کے فوری بعد بین الاقوامی فٹ بال سے ریٹائرمنٹ لے لی تھی۔ جرمن ٹیم ورلڈ کپ کے بعد خاطر خواہ کارکردگی دکھانے میں ناکام رہی ہے اس کی وجہ یہی بتائی جاتی ہے کہ فلپ لیہم کی غیرموجودگی میں ٹیم وہ کارکردگی نہیں دکھا پارہی جو ورلڈکپ میں دکھارہی تھی۔