مائیکل ہسی انگلینڈ کے خلاف پرائم منسٹر الیون کے کپتان مقرر

کینبرا:آسٹریلیا کے سابق بیٹسمین مائیکل ہسی انگلینڈ کے خلاف میچ میں پرائم منسٹر الیون کے کپتان ہوں گے۔ دارالحکومت کینبرا میں ہر سال مہمان ٹیم کے خلاف پرائم منٹسر الیون کا مقابلہ ہوتاہے ،پچھلے سال سابق اسپیڈ اسٹار بریٹ لی نے کپتانی کے فرائض انجام دیے تھے ،یہ میچ بھی انگلینڈ کے خلاف کھیلا گیا تھا اورمائیکل ہسی کی کپتانی میں اگلے سال ہونے والامیچ بھی انگلینڈ کے خلاف ہوگا۔مائیکل ہسی نے بین الاقوامی کرکٹ سے 2013کے اوائل میں ریٹائرمنٹ لے لی تھی تاہم وہ آئی پی ایل اور بگ بیش میں مسلسل کھیلتے رہے ہیں۔انگلینڈ جنوری 2015میں آسٹریلیا کا دورہ کرے گی جس میں بھارت کے ساتھ سہ فریقی ون ڈے سیریز بھی کھیلی جائے گی۔