یونس خان ورلڈکپ کے بعد انگلش کاﺅنٹی یارکشائر کی نمائندگی کریں گے

لندن:پاکستانی کرکٹ ٹیم کے تجربہ کار بیٹسمین یونس خان انگلش کاﺅنٹی کے 2015سیزن کے ابتدائی مقابلوں میں یارکشائر کی نمائندگی کریں گے۔ یارکشائر نے اعلان کیاکہ یونس خان سیزن کے ابتدائی مقابلوں میں کلب کی دوبارہ نمائندگی کرنے آئیں گے ،وہ اسے قبل 2007 میں یارکشائر کی نمائندگی کرچکے ہیں۔ یارکشائر نے یونس خان کا بیان جاری کیاہے جس میں انھوں نے کہاہے کہ ہیڈنگلے واپسی اور یارکشائر کی جانب سے کھیلنا میرے لیے فخر کی بات ہے،یہ دنیا میں کرکٹ کے بہترین کلبوں میں سے ایک ہے، اور مجھے امیدہے کہ میرے تجربے سے کلب اپنی پوزیشن برقراررکھنے میں کامیاب ہوگا۔یونس خان ورلڈکپ سے فارغ ہونے کے بعد آسٹریلیاسے یارکشائر جائیں گے۔