ملی یکجہتی کونسل آج اور 7 اکتوبر یوم یکجہتی فلسطین منائے گی

کراچی (پی پی آئی) 28 سیاسی و مذہبی جماعتوں پر مشتمل ملی یکجہتی کونسل پاکستان نے 4 اکتوبر اور 7 اکتوبر کے ایام فلسطینیوں سے اظہار یکجہتی کے طور پر منانے کا اعلان کیا ہے۔ پی پی آئی کے مطابق ملی یکجہتی کونسل پاکستان کے رہنما مجاہد چنا نے میڈیا سے گفتگوکرتے ہوئے کہا اس وقت پوری امت، پورا عالم اسلام ایک شدید غصہ اور اضطراب میں ہے۔ ملی یکجہتی کونسل نے فیصلہ کیا ہے کہ ہم اسرائیل کی ناجائز ریاست کے سامنے کبھی سرینڈر نہیں کریں گے۔ سنیٹر علامہ راجہ ناصر عباس جعفری نے کہا کہ 7 اکتوبر کو سب نے اپنی حمایت کا اظہار کرتے ہوئے احتجاج میں شرکت کرنی ہے۔