ٓاسلام آباد(پی پی آئی) حکومت نے کرتارپورراہداری معاہدے کی مزید پانچ سال کیلئے تجدید کا اعلان کیا ہے۔وزارت خارجہ کے ایک بیان کے مطابق پاکستان اور بھارت کے درمیان معاہدے کا مقصد نارووال میں واقع گوردوارہ دربار صاحب کرتارپور آنے والے سکھ یاتریوں کو سہولت فراہم کرنا ہے۔چوبیس اکتوبر دو ہزارانیس کو پانچ سال کی مدت کیلئے ہونے والے معاہدہ کے رواں ماہ کی چوبیس تاریخ کو پہلے پانچ سال مکمل ہوجائیں گے۔بیان میں کہا گیا ہے کہ معاہدے کی تجدید بین المذاہب ہم آہنگی اور پرامن بقائے باہمی کو فروغ دینے کیلئے پاکستان کے عزم کا اظہارہے۔اس معاہدے کے تحت بھارت سے آنے والے یاتریوں کو ویزے کے بغیر رسائی فراہم کی جاتی ہے جس سے وہ اپنے مقدس مقام گوردوارہ دربار صاحب کرتارپور آسکتے ہیں جہاں سکھ مذہب کے بانی بابا گورونانک نے اپنی زندگی کے آخری ایام گزارے تھے۔
Next Post
پاکستان اور سعودی عرب کا اقتصادی تعلقات کو مزید فروغ دینے کا عزم
Wed Oct 23 , 2024
اسلام آباد(پی پی آئی) پاکستان اور سعودی عرب نے باہمی مفاد پر مبنی اقتصادی تعلقات کو مزید فروغ دینے اور اہم شعبوں میں دوطرفہ تجارت بڑھانے اور سرمایہ کاری میں سہولت فراہم کرنے کا عزم ظاہر کیا ہے۔اس عزم کا اظہار واشنگٹن ڈی سی میں عالمی بینک اور آئی ایم ایف کے سالانہ اجلاسوں کے موقع پر وزیر خزانہ محمد […]