میامی اوپن:سریناولیمزکی کیرئرمیں7سوویں ،اینڈی مرے کی 5سوویں فتح

میامی:عالمی نمبرایک ٹینس اسٹارسریناویلمزنے کیرئرکی 700ویں جبکہ برطانوی اینڈی مرے نے 500ویں کامیابی حاصل کر کے میامی اوپن کے سیمی فائنل کے لیے کوالیفائی کرلیا۔سریناویلمزنے میامی اوپن میں جرمنی کی سبینا لیسکی کو 6-7،6-1اور3-6سے شکست دے کر کیرئرکی 700ویں فتح حاصل کی جبکہ سیمی فائنل میں اپنی جگہ پکی کرلی۔ سریناویلمزاس سے قبل انڈین ویلز کے سیمی فائنل سے انجری کے باعث دست بردارہوگئی تھیںلیکن یہ ان کی سال میں مسلسل 19ویں فتح بھی ہے۔ مردوں کے مقابلوں میں برطانیہ کے اینڈی مرے نے آسٹریاکے ڈومینیک تھیئم کو 6-3،4-6اور1-6سے شکست دے کر سیمی فائنل کے لیے کوالیفائی کرلیاجبکہ یہ ان کی کیرئرکی 500ویں فتح تھی ،اینڈی مرے ٹینس کی تاریخ میں 500فتوحات سیمٹنے والے 9ویں کھلاڑی ہیں۔