بھارتی فورسز نے مسلمانوں کو مرحوم میر واعظ محمد احمد شاہ کی غائبانہ نماز جنازہ  سے روکدیا

سری نگر/مقبوضہ کشمیر(پی پی آئی)مقبوضہ جموں و کشمیر میں کل جماعتی حریت کانفرنس کے سینئر رہنما اور جموں و کشمیر انجمن شرعی شیعیان کے صدر آغا سید حسن الموسوی الصفوی نے قابض انتظامیہ کی طرف سے جامع مسجد سرینگر میں مرحوم میر واعظ محمد احمد شاہ کی غائبانہ نماز جنازہ کی ادائیگی سے روکنے کی شدید مذمت کی ہے۔کشمیر میڈیا سروس کے مطابق آغا حسن الموسوی نے ایک بیان میں ان پابندیوں کومسلمانوں کے مذہبی معاملات میں بلا جواز مداخلت قرار دیا، جو قابل قبول نہیں ہیں۔انہوں نے کہاکہ نام نہاد “نئے کشمیر”کی حقیقت یہ ہے کہ معزز شخصیات کی غائبانہ نماز جنازہ کی ادائیگی کی بھی اجازت نہیں ہے اور جامع مسجد جیسی تاریخی عبادتگاہوں کو مقفل کردیاجاتاہے۔