یورپی یونین کو پاکستانی برآمدات میں سو فیصد سے زائد اضافہ،حجم10 ارب ڈالر تک

اسلام آباد (پی پی آئی): وزیر منصوبہ بندی، ترقی اور خصوصی اقدامات احسن اقبال نے کہا ہے کہ برآمدات  میں اضافہ حکومت کی ترجیح ہے۔بدھ کو یہاں اسلام آباد میں ایک کانفرنس سے خطاب کرتے ہوئے، انہوں نے کہا کہ جی ایس پی پلس اسکیم نے پاکستان کو اپنے تجارتی پورٹ فولیو کو متنوع بنانے اور نئی منڈیوں میں داخل ہونے کے قابل بنایا ہے۔وفاقی وزیر نے کہا کہ یورپی یونین کو پاکستان کی برآمدات میں گزشتہ دہائی کے دوران سو فیصد سے زائد اضافہ ہوا ہے جو تقریباً دس ارب ڈالر تک پہنچ گئی ہے۔انہوں نے کہا کہ برآمدات میں ترقی کے ہدف کو حاصل کرنے کے لیے ہمیں اعلیٰ درجے کے ملبوسات اور ٹیکنالوجی پر مبنی مصنوعات کو ترجیح دے کر جی ایس پی پلس اسکیم سے فائدہ اٹھانا چاہیے۔