قائد اعظم کا یوم پیدائش عقیدت و احترام کے ساتھ منایا گیا،ملک بھر میں تقریبات منعقد

کراچی(پی پی آئی) بانی پاکستان قائد اعظم محمد علی جناح کا یوم پیدائش ملک بھر میں عقیدت واحترام سے منایا گیا،اس حوالے سے کراچی سمیت ملک بھر میں خصوصی تقریبات منعقد ہوئیں، گارڈز کی تبدیلی کی تقریب مزار قائداعظم پر منعقد ہوئی،پاکستان ملٹری اکیڈمی کاکول کے چاق وچوبند دستہ نے فرائض سنبھالے،گورنر سندھ کامران ٹیسوری،وزیراعلی سید مراد علی شاہ،صوبائی کابینہ کے اراکین، عسکری وسول حکام سمیت اہم شخصیات نے مزار قائد پر حاضری دی،پھولوں کی چادر چڑھائی اور فاتحہ خوانی کی،بانی پاکستان کے یوم پیدائش کی مناسبت سے ملک بھر میں سیمینار،کانفرنسز اور دیگر تقریبات کا اہتمام کیا گیا،جن میں قائد اعظم محمدعلی جناح کو ان کے برصغیر کے مسلمانوں کے لئے آزاد اور خود مختار پاکستان کے خواب کو شرمندہ تعبیر کرنے کے لیے کی گئی جدوجہد پر شاندار الفاظ میں خراج عقیدت پیش کیا گیا۔