ٹھٹہ کے قریب سات سالہ بچی کے ساتھ زیادتی

 ٹھٹہ(پی پی آئی ٹھٹہ شہر سے آٹھ کلومیٹر دور ترک کالونی میں اتوار کو سات سالہ بچی کو مبینہ طور پر زیادتی کا نشانہ بنایا گیا۔ پولیس رپورٹ کے مطابق سات سالہ بچی شاہدہ کو مبینہ طور پر ملزم یاسین اشیائے خوردونوش لانے کے بہانے زبردستی کالونی کے کوارٹر میں لے گیا جہاں اس سے زیادتی کر کے نامعلوم مقام پر فرار ہو گیا۔متاثرہ لڑکی کی والدہ زاہدہ کی شکایت پر ملزم کے خلاف مکلی تھانے میں مقدمہ درج کر لیا گیا ہے جس کے بعد پولیس نے فرار ہونے والے ملزمان کی تلاش شروع کر دی ہے۔ متاثرہ لڑکی کو سول اسپتال لایا گیا، جہاں اس کے ڈی این اے ٹیسٹ کے نمونے حاصل کر کے میڈیکل ٹیسٹ کے لیے جامشورو لیبارٹری بھجوا دیے گئے۔