وزیر اعظم کے اقدامات سے حکومت مضبو، عوام کی عملی دادرسی ممکن ہوگی: طارق حسن

کراچی،20اپریل (پی پی آئی)پاکستان مسلم لیگ ق کے نومنتخب مرکزی سیکرٹری جنرل محمد طارق حسن نے وزیر اعظم میاں محمد شہباز شریف کی جانب سے سندھ میں کینالز تنازعہ سمیت دیگر مسائل کے حل کے لئے اقدامات کو خوش آئند قرار دیا ہے۔ انہوں نے کہا، ان اقدامات سے حکومت پر صوبہ سندھ کی عوام اور مختلف جماعتوں کا اعتماد بحال ہوگا۔طارق حسن نے یہ خیالات مسیحی برادری کو ایسٹر کی مبارکباد دیتے ہوئے ظاہر کیے۔ ان کا کہنا تھا کہ وزیر اعظم کے اقدامات سے نہ صرف حکومت مضبوط ہوگی بلکہ عوام کی عملی دادرسی بھی ممکن ہوگی۔طارق حسن نے کہا کہ حکومت کی مربوط پالیسیوں سے ملک مستحکم ہوگا۔ انہوں نے وفاقی و صوبائی حکومتوں کے درمیان باہمی رابطوں کو وسیع کرنے کی اہمیت پر بھی زور دیا تاکہ پاکستان مزید مضبوط ہو سکے۔