حیدرآباد: چیمبرآف کامرس کے نائب صدرکا ایف بی آر سے پیچیدہ شرائط ختم کرنے کا مطالبہ ٰٓٓ

حیدرآباد: حیدر آبادچیمبر آف کامرس اینڈ انڈسٹری کے سینئر نائب صدر و چیئر مین سب کمیٹی ان لینڈ ریوینیو تراب علی خوجہ نے چیئر مین فیڈرل بو ر ڈ آف ریوینیو سے مطالبہ کیا کہ پیچیدہ انکم ٹیکس ریٹرن کے ساتھ بیلنس شیٹ اور ویلتھ اسٹیٹمنٹ منسلک کرنے کی شرائط فو ری طو رپر ختم کی جائیں۔ ان کا کہنا تھا کہ ڈبل ٹیکسیشن نظام سے تاجر سخت ذہنی اذیت میں مبتلا ہیں ، ٹیکس نظام پیچیدہ ہونے کی وجہ سے تاجر برادری کا کاروبار متاثر ہوتا ہے اور تاجروں کو لاکھو ں روپے کنسلٹنٹ کی فیس میں ادا کرنے کے اثرات براہ راست قیمتوں پر پڑتے ہیں اور اس کا بوجھ عوام کو برداشت کرنا پڑ رہا ہے ۔لہٰذا پیچیدہ شرائط ختم کر دی جائیں۔