‫بریلیئنس آٹو نے “بیلٹ اینڈ روڈ” کے ساتھ واقع بین الاقوامی مارکیٹ کی دریافت کے لیے رینالٹ کے ساتھ اتحاد کرلیا

شینیانگ، چین، 11 جنوری 2018ء/سنہوا-ایشیانیٹ/– چین کا بریلیئنس آٹو گروپ حال ہی میں رینالٹ گروپ کے ساتھ معاہدہ کر چکا ہے تاکہ 2022ء تک سالانہ 150,000 گاڑیاں فروخت کرنے کے ہدف کے ساتھ رینالٹ بریلیئنس جنبی آٹوموٹو کمپنی لمیٹڈ قائم کر سکے، جو جنبی، رینالٹ اور ہواسونگ کے تین برانڈز کے تحت چھوٹی کمرشل گاڑیاں (ایل سی ویز) تیار کرے۔

بریلیئنس گروپ کو رینالٹ گروپ کے ساتھ کامیاب شراکت داری اور تعاون کا نیا اسلوب قائم کرنے میں محض ایک سال لگا: جو چینی آٹوموبائل صنعت کےنئے عہد میں پہلا موقع ہے کہ ایک ہی مشترکہ منصوبہ غیر ملکی اور مقامی دونوں برانڈز کی گاڑیاں ڈیزائن اورتیار کرے گا، جوکمرشل گاڑیاں بنانے کے لیے ایک عالمی معیار کا پلیٹ فارم ہوگا۔

بریلیئنس آٹو گروپ کے چیئرمین چی یومن نے کہا کہ ماضی میں ایسے مشترکہ منصوبوں کو غیر ملکی برانڈ کی جانب سے چلایا جاتا تھااور چینی ادارہ منافع کو محض اپنے برانڈ کی تعمیر میں مدد پر استعمال کرسکتا تھا۔ اب اس مشترکہ منصوبے کے ذریعے تین برانڈز، چین کا جنبی اور ہواسونگ، ساتھ ساتھ فرانس کا رینالٹ، شانہ بشانہ آگے بڑھ سکتے ہیں، جو چین کے اپنے برانڈز کی فوری ترقی کے لیے مددگار ہے۔

یہ بات قابل ذکر ہے کہ بریلیئنس اور رینالٹ کے درمیان تعاون اپنے متعلقہ شعبوں میں دونوں فریقین کی جانب سے جدید ٹیکنالوجیوں اور تجربات کو یکجا کرے گا اور دونوں ادارے مشترکہ کاروبار میں مصنوعات اور ٹیکنالوجیوں میں حصہ ڈالیں گے۔بریلیئنس پلیٹ فارموں، ٹیکنالوجیوں اور رینالٹ کےمتعارف کردہ جدید انتظامی تصورات کا پورا فائدہ اٹھا سکتا ہے، اور اپنی تبدیلی اور ترقی سے آگاہ ہو سکتا ہے۔ یہ غیر ملکی مارکیٹوں میں بریلیئنس کی موجودگی میں بہت زبردست وزن ڈالے گا جہاں وہ چند سالوں میں قدم رکھ چکا ہے۔

یہ یقینی ہے کہ بریلیئنس ان ابتدائی چینی گاڑی سازوں میں سے ہے جنہوں نے غیر ملکی مارکیٹوں تک رسائی کا منصوبہ تیار کیا۔ اب تک بریلیئنس کا غیر ملکی ڈسٹری بیوشن نیٹ ورک افریقہ، وسطی و جنوبی امریکا اور ایشیا بحر الکاہل کے 100 سے زیادہ ممالک اور خطوں تک پھیل چکا ہے، اور اس کی ڈیلر شپ کی کل تعداد تقریباً 400 تک پہنچ چکی ہے۔ بیلٹ اینڈ روڈ منصوبے کے مکمل نفاذ کے ساتھ بریلیئنس مستقبل میں اپنے برانڈز کے لیے غیر ملکی مارکیٹیں دریافت کرنے کی زیادہ تحفظ پذیر حکمت عملی تیار کرنے کا ارادہ رکھتا ہے۔

ذریعہ: بریلیئنس آٹو گروپ

تصویری منسلکات کے روابط: http://asianetnews.net/view-attachment?attach-id=304523

Latest from Blog