تلہار : گندے پانی اور شدید گرمی کے باعث جلد کی خا رش وباکی صورت اختیا ر کر گئی

تلہار: تلہا ر اور پنگر دایو میں گندے پانی کے استعمال سے سینکڑ وںافرادجلد کی خارش کاشکا ر ہو گئے ،اس مرض نے وبائی صور ت اختیا ر کر لی ہے۔ تلہا ر کے مختلف علاقوں میں گندے پانی کے استعمال اور زیا دہ گرمی کے باعث خارش کی بیماری پھیل گئی ہے جوکہ وبائی صورت اختیار کر گئی ہے جبکہ علاقے کے سر کاری اسپتا لوں میں ادویات موجو د نہیں ہیں ، سینکڑوں افراد نجی اسپتالوں میں داخل کر دئے گئے ہیں ۔ تلہار کے سینئر ڈاکٹر تصور علی خواجہ نے صحافیوں کو بتا یا کہ حالیہ گرمی کی تیز لہر اور علاقے میں غیر معیاری پانی استعمال کر نے سے خارش اور جلد جیسی بیماریاں جنم لے رہی ہیں ۔ ڈاکٹر تصور خواجہ نے تلہار کے رہائشیوں کو مشورہ دیا کہ اپنے گھروں میں پانی کو ابال کر پیا جائے اور کوشش کی جائے کہ واٹر سپلائی کے پانی کے استعمال سے گریز کیا جائے ، شدید گرمی میں زیادہ سفر سے بھی اجتناب کیا جائے ، دوسری جانب تلہا ر کے رہائشیوں نے حکومت سندھ سے مطالبہ کیا کہ سرکاری اسپتالوں میں تمام سہو لیات مہیا کئے جائیں۔