پاکستان سمیت دنیا بھر میں ذیابیطس کا عالمی دن منایاگیا پاکستان بھرمیں شوگر کے مریضوں کی تعداد 3کروڑ30لاکھ سے متجاوز دنیا میں شوگر کے مریضوں میں پاکستان کا تیسرا نمبر، ورزش،حتیاط ضروری

کراچی (پی پی آئی) پاکستان سمیت دنیا بھر میں پیر کو ذیابیطس کا عالمی دن منایا گیا۔ یہ دن ذیابیطس یعنی شوگر کے حوالے سے شعو راجاگر کرنے کا کیلئے منایا جا تاہے۔پی پی آئی کے مطابق اس موقع پر مختلف تقاریب اور اسڑیٹ واک کا اہتمام بھی کیا گیا۔ پچھلے کچھ برسوں میں اس مرض میں خوفناک حد تک اضافہ ہوا ہے۔ اس وقت پوری دنیا میں شوگر کے مریضوں کی تعداد میں ہمارا نمبر تیسرا ہے جبکہ مڈل ایسٹ اور افریقہ کے 21ممالک کی فہرست میں ہمارا نمبر دوسرا ہے۔ پاکستان میں شوگر کے مریضوں کی تعداد 3کروڑ30لاکھ سے تجاوز کر چکی ہے۔ذیابیطس یعنی شوگر ایسا مرض ہے جو ملک بھر میں بتدریج بڑھتا جارہا ہے۔ ڈاکٹر کہتے ہیں کہ یہ مرض انسانی جسم میں انسولین کی پیداوار اور فراہمی میں نقص کی وجہ سے پیدا ہوتا ہے۔اس کی وجہ مسلسل غیر صحت مند خوراک اور غیر متوازن طر ز زندگی ہے۔ اس مرض کی علامات میں بے حد بھوک اور پیاس لگنا، زیادہ پیشاب آنا، وزن کا تیزی سے گرنا،زیادہ تھکن محسوس کرنا شامل ہیں۔ماہر ین صحت کے مطابق ذیابیطس سے بچاؤصرف اور صرف پرہیز اور صحت مند طرز زندگی سے ہی ممکن ہے۔ ذیابیطس کے مریضوں کیلئے پرہیز کے ساتھ ورزش اور نگہداشت ضروری ہے۔