کراچی(پی پی آئی)سندھ ہائیکورٹ نے توہین الیکشن کمیشن کے نوٹس کیخلاف اسد عمر کی درخواست حکم امتناع برقرار رکھتے ہوئے سماعت غیرمعینہ مدت تک ملتوی کردی۔ سندھ ہائیکورٹ میں توہین الیکشن کمیشن کے نوٹس کیخلاف اسد عمر کی درخواست کی سماعت ہوئی، وکیل الیکشن کمیشن نے کہاکہ توہین آمیز ریمارکس پر اسد عمر کو نوٹس جاری کیا ہے، سپریم کورٹ میں متعلقہ تمام کیسز ایک جگہ ٹرانسفر کرنے کی درخواست دائر کی ہے، سپریم کورٹ نے 15 نومبر کو فریقین کو نوٹس جاری کردیئے ہیں۔وکیل اسد عمر نے کہاکہ الیکشن کمیشن مسلسل تاخیری حربے استعمال کررہا ہے، الیکشن کمیشن نے فرد جرم عائد کرنے کا عندیہ دیا ہے، کل الیکشن کمیشن نے اسد عمر کو ذاتی حیثیت میں طلب کررکھا ہے۔چیف جسٹس سندھ ہائیکورٹ نے کہاکہ ہمارا حکم امتناع موجود ہے الیکشن کمیشن کو حتمی کارروائی سے روک رکھا ہے،عدالت نے الیکشن کمیشن کوکارروائی سے روکتے ہوئے غیرمعینہ مدت تک سماعت ملتوی کردی۔
Next Post
لاہور کے شہریوں پر کوڑا ٹیکس بھی عائد، کچی آبادیاں کوڑا ٹیکس مستثنیٰ
Mon Nov 21 , 2022
لاہور (پی پی آئی)صوبائی دارالحکومت کے باسیوں کو اب کوڑا ٹیکس بھی دینا پڑے گا، لاہور ویسٹ مینجمنٹ کمپنی (ایل ڈبلیو ایم سی) نے محکمے کو معاشی مشکلات سے نکالنے کے لیے مرحلہ وار کوڑا ٹیکس لگانے کا فیصلہ کرلیا ہے۔پی پی آئی کے مطابق ابتدائی طور پر کمرشل،انڈسٹریل،پرائیویٹ سکیموں […]