سعید اجمل کو سال کابہترین باﺅلربننے کے لیے صرف دو وکٹیں درکار

کراچی: پاکستان کے اسپن کنگ سعید اجمل کو سال کابہترین باﺅلربننے کے لیے صرف دو وکٹیں درکار ہیں۔ فیصل آبادی منڈے نے رواں سال ون ڈے میں 41شکار کر رکھے ہیں۔ دوسرے کے ماہر سعید اجمل کے پاس ہے رواں سال سب سے زیادہ وکٹوں لینے والے باﺅلر بننے کا موقع ہے۔ روایتی حریف بھارت سے پہلی پوزیشن چھیننے کے لئے سعید اجمل کو اب صرف دو شکار کرنا ہوں گے۔ اسپن کنگ رواں سال اکیس میچز میں اکتالیس وکٹیں لے کر دوسرے نمبر پر ہیں۔ بھارتی رویندرا جڈیجا ستائیس میچوں میں 43شکار کے ساتھ نمبر ون ہیں۔اسٹریلوی مچل جونسن33 وکٹیں لے کر تیسرے ، آسٹریلوی میک کے چوتھے اور سری لنکن لیستھ مالنگا پانچویں نمبر پر ہیں۔ مجموعی طور پر سعید اجمل نے ون ڈے کرکٹ میں تیرانوے میچز کھیل کر ایک سو پچاس بلے بازوں کو پویلین بھیج رکھا ہے۔