روہت شرما نے ون ڈے تاریخ کی تیسری ڈبل سنچری بناکر ریکارڈ بنادیا

بنگلور: بھارت کے روہت شرما نے ون ڈے کی تاریخ کی تیسری ڈبل سنچری بناکر ریکارڈ بنادیا ۔روہت شرماون ڈے کی دوسری سب سے بڑی انفرادی اننگز کھیلنے والے کھلاڑی بھی بن گئے۔روہت شرما نے بنگلور کے میدان میں آسٹریلوی باﺅلروں کو دن میں تارے دکھادیئے۔ روہت شرما کے لاٹھی چارج کے سامنے آسٹریلوی باﺅلرز بے بس نظر آئے۔ روہت شرما کی شاندار اننگز سے شائقین بے حد محظوظ ہوئے۔روہت شرما نے 156 گیندوں کا سامنا کرتے ہوئے ون ڈے کی تاریخ کی تیسری ڈبل سنچری مکمل کی۔ روہت شرما کی ریکارڈ ساز اننگز میں ریکارڈ 16 بلند وبالا چھکے شامل ہیں۔اس سے قبل ایک اننگز میں سب سے چھکے مارنے کا ریکارڈ آسٹریلیا کے شین واٹسن کے پاس تھا۔ روہت شرما سے قبل بھارت ہی کے سچن ٹنڈولکر اور ویندر سہواگ کو ون ڈے میں ڈبل سنچر ی بنانے کا اعزاز حاصل ہے۔