شاہ رخ خان کا کولکتہ نائٹ رائیڈر کی فتح پر جشن

ممبئی:بھارتی فلم اسٹاراور کو لکتہ نائٹ رائیڈرکے شریک مالک شاہ رخ خان نے ٹی ٹوئنٹی چیمپئن لیگ میںلاہور لائینز کے خلاف کولکتہ نائٹ رائیڈر کی فتح پر خوشی کا اظہار کیا ہے۔انھوں سماجی رابطے کی ویب سائٹ ٹیوٹر پر اپنی خوشی کا اظہار کرتے ہوئے کہا کہ میں آج کولکتہ نائٹ رائیڈر کی فتح پر بے حد خوش ہوں،فلم اسٹار شاہ رخان نے کو لکتہ نائٹ رائیڈر کے کھلاڑیوں کو فتح پر مبارک باد بھی پیش کی ہے۔

شہید صحافی شان ڈاہر کے لیے پی پی ایف آزادیءصحافت ایوارڑ

کراچی02 مئی 2014ء/ ایشیانیٹ پاکستان —  پاکستان پریس فاﺅنڈیشن نے عالمی یوم آزادی ءصحافت کی مناسبت سے پی پی ایف آزادیءصحافت ایوارڑ شہید صحافی شان ڈاہر کے نا م کر دیا۔ شان ڈاہر نجی ٹی وی چینل اب تک کے لاڑکانہ میں ضلعی نمائندہ تھے ، شان ڈاہر کو 31دسمبر 2013کی رات صوبہ سندھ کے ضلع لاڑکانہ کے علاقے بدھ میں گولیوں کا نشا نہ بنایا گیا تھا ، انھیں پیٹھ پر گولیا ں لگی تھیں جبکہ انھیں اسپتال پہنچانے کے باوجود وقت پر طبی امداد نہیں دی گئی جس کے باعث وہ جانبر نہ ہو سکے تھے،شان ڈاہر کے لواحقین میں دو معصوم بچیاں اور بیوہ شامل ہیں۔پی پی ایف کے سیکرٹری جنرل اویس اسلم علی نے اس موقع پر کہا کہ باوجود اس کے کہ شان ڈاہر کومقامی اسپتالوں میں جعلی دواﺅں کے استعمال پر خبر دینے کے پاداش میںنشانہ بنا یا گیا لیکن پولیس رپورٹ میں ان کی موت کو حادثہ قرار دیا گیا ہے،انھوں نے شفاف تحقیقات سے عوام  کوآگاہ کرنے کا مطالبہ کیا۔پی پی ایف آزادیءصحافت ایوارڑ ایک لاکھ روپے مالیت کے برابر ہے۔

حیدر آباد: پی پی پی رہنماﺅںکا بلاول بھٹو زرداری کی سالگرہ پر خوشی اورقیادت بھر پور اعتماد کا اظہار

حیدر آباد: پاکستان پیپلز پارٹی ضلع حیدرآباد کے رہنماوؤں اور کارکنان کی جانب سے پاکستان پیپلز پارٹی کے سر پرست اعلیٰ بلاول بھٹو زرداری کی 25ویں سالگرہ کے موقع پر خوشی اور انکی قیادت پر بھرپور اعتماد کا اظہار کیا گیا۔ پی پی پی حیدرآباد کے جنرل سیکریٹری فیاض حسین شاہ کے رہائش گاہ پر منعقدہ سالگرہ کی تقریب منعقد ہوئی ۔ اس موقع پر تقریب میں خطاب کرتے ہوئے حیدرآباد کے ضلعی صدر زاہد علی بھرگڑی نے کہا کہ بلاول بھٹو زرداری ایک بہادر جرائت مند رہنما ثابت ہونگے اور رب پاک سے دعا ہے کہ اللہ تعالیٰ انہیںلمبی عمر عطا کرے تاکہ وہ ملک اور قوم کی زیادہ سے زیادہ خدمت کر سکے ۔ انھوں نے کہا کہ یہ ان کا پختہ یقین ہے کہ بلاول بھٹو زرداری اپنے والدین کی طرح ملک اور قوم کی غریب عوام کی خدمت کے لئے اپنا بھرپور کردار ادا کریں گے۔ قبل ازیں تقریب سے خطاب کرتے ہوئے امان اللہ سیال ، آفتاب احمد خانزادہ ، جبار خان ،علی محمد سہتو ، رجب خاصخیلی ، قاضی بابو عبد اللہ اور دیگر نے کہا کہ قائد عوام شہید ذوالفقار علی بھٹو اور محترمہ شہید بینظیر بھٹو کی رہنمائی میں جس طرح غریب عوام کی خدمت کی گئی ہے اسی طرح سے بلاول بھٹو زرداری کی قیادت میں بھی اس عمل کو جاری رکھا جائے گا، تقریب میں 25پاوؤنڈ کا کیک بھی کاٹا گیا۔