متفرق

 رواں برس ایرانی صدر ابراہیم رئیسی کا دورہ پاکستان متوقع

اسلام آباد(پی پی آئی)ایران کا اعلیٰ سطحی وفد آئندہ ماہ اپریل میں پاکستان کا دورہ کرے گا جس کے لیے تیاریاں شروع کر دی گئی ہیں۔ اطلاعات کے مطابق ایران کا ایک اعلیٰ سطح کا وفد جن میں وزرا اور دیگر حکام شامل ہوں گے وہ آئندہ ماہ پاکستان کا دورہ کرے گا ذرائع کے مطابق اس وی آئی پی ایرانی وفد میں 20 سے 25 ایرانی حکام،2 سے3 سینئر وزرا ہوں گے اور اس دورے کے لیے دونوں ممالک میں کام جاری ہے۔پی پی آئی کے مطابق وفد کی ایران پاکستان گیس پائپ لائن پاکستان چیپٹر کے افتتاح میں شرکت متوقع ہے جب کہ اس موقع پر تجارت، توانائی، سیکیورٹی، سرمایہ کاری، دفاع پر مفاہمتی یادداشتوں پر دستخط کا بھی امکان ہے۔ذرائع یہ بھی بتاتے ہیں کہ رواں برس ایرانی صدر سید ابراہیم رئیسی کا دورہ پاکستان بھی متوقع ہے جس میں وہ پاکستان سیاسی اور عسکری حکام سے ملاقاتیں کریں گے۔ اس دورے میں دونوں ممالک کے درمیان آزادانہ تجارت کا معاہدہ ہو سکتا ہے جس سے پاک ایرانی تجارت میں کئی گنا اضافہ ہوگا۔

1 2 3 1,241