جدہ/سیالکوٹ (پی پی آئی)جدہ سے سیالکوٹ آنیوالی قومی ایئر لائن میں دوران پرواز شارٹ سرکٹ کے باعث آتشزدگی کا واقعہ پیش آیا ہے۔پی پی آئی کے مطابق جدہ سے سیالکوٹ آنیوالی قومی ایئرلائن (پی آئی اے)کی پرواز پی کے 786میں اچانک آگ بھڑک اٹھی، عینی شاہدین کا کہناتھا کہ دوران پرواز جہاز کے واش روم سے دھواں نکلنا شروع ہوا۔جس پر مسافروں اور عملے میں ہلچل مچ گئی اور لوگوں نے کلمہ طیبہ کا ورد کرنا شروع کردیا،ڈیڑھ گھنٹے بعد پرواز کی دوبارہ جدہ ایئر پورٹ پر بحفاظت لینڈنگ کی گئی، تمام مسافروں کو بحفاظت جدہ ایئرپورٹ پر اتار لیا گیا۔
امپائر اسد رﺅف میچ فکسنگ میں ملوث نہیں تھے : وندو دارا سنگھ
آسٹریلوی کرکٹر بریڈ ہیڈن نجی مصروفیات کے باعث آئی پی ایل سے دستبردار
جلد بازی کی وجہ سے پاکستان ٹیم جیتا ہوا میچ ہار گئی:محمد یوسف
دبئی ٹینس : جوکووچ اور سونگا دوسرے راﺅنڈ میں پہنچ گئے
جے وردھنے 600انٹرنیشنل میچز کھیلنے والے دنیا کے دوسرے کرکٹر بن گئے
ٹی 20ورلڈ کپ : قومی ٹیم کا تربیتی کیمپ 3مارچ سے شروع ہوگا
تازہ ترین خبریں
اشتہار
تازہ ترین
کندھ کوٹ میں راکٹ کا گولا پھٹنے سے دھماکا، 7 افراد جاں بحق،4سے زائد افراد زخمی
کندھ کوٹ(پی پی آئی) کندھ کوٹ میں راکٹ لانچر کا گولا پھٹنے سے دھماکا ہوگیا جس کے نتیجے میں بچوں اور خاتون سمیت 7 افراد جان کی بازی ہار گئے۔پی پی آئیکے مطابق پولیس کا کہنا ہے کہ کچے کے علاقے میں راکٹ لانچر کا گولا پھٹا جس کی وجہ سے دھماکا ہوگیا، دھماکے سے بچوں اور خاتون سمیت 7 افراد جاں بحق ہوئے ہیں جن کی لاشوں کو ہسپتال منتقل کردیا گیا ہے۔پولیس نے بتایا ہے کہ واقعہ گھوڑا گھٹ تھانہ کی حدود علی نواز سبزوئی میں پیش آیا جہاں اہلخانہ نامعلوم مقام سے ملنے والا گولہ کباڑ میں بیچنے کیلئے توڑ رہے تھے۔حادثے میں چار سے زائد افراد زخمی بھی ہوئے ہیں جن کی حالت تشویش ناک بتائی جا رہی ہے، گولا پھٹنے سے علاقے میں خوف و ہراس پھیل گیا۔کندھ کوٹ پولیس اور رینجرز نے موقع پر پہنچ کر علاقے کا محاصرہ کر لیا ہے۔
نگران وزیراعظم اور نگران وزیراعلیٰ پنجاب 16اکتوبر کو لاہور ہائیکورٹ میں طلب
ؤلاہور(پی پی آئی)لاہور ہائیکورٹ نے سوشل میڈیا پر توہین آمیز مواد کی اشاعت کے کیس میں نگران وزیراعظم انوارالحق کاکڑ اور نگران وزیراعلیٰ پنجاب محسن نقوی کو 16اکتوبر کو پیش ہونے کا حکم دیدیا۔پی پی آئی کے مطابق لاہور ہائیکورٹ میں سوشل میڈیا پر توہین آمیز مواد کی اشاعت کے کیس کی سماعت ہوئی، جسٹس شجاعت علی خان وفاقی حکومت کی جانب سے رپورٹس جمع نہ کرانے پر برہم ہوگئے،عدالت نے کہاکہ 8ماہ سے وفاقی حکومت کی رپورٹ نہیں آئی، وکیل وفاقی حکومت نے کہاکہ ہم رپورٹس جمع کروا دیتے ہیں،عدالت نے کہاکہ آپ یہاں سیر کرنے آئے ہیں کیوں رپورٹ جمع نہیں ہوئی،عدالت نے کہاکہ یہ کیس آپ کا ہے نہ عدالت کا، یہ ہم سب کا کیس ہے۔جسٹس شجاعت علی خان کی جانب سے یہ ریمارکس بھی دیئے گئے پھر ہم ملک کے چیف ایگزیکٹو کو بلا لیتے ہیں،نگران وزیراعظم آکر خود جواب دیں،لگتا ہے کہ نگران وزیراعظم کے سامنے معاملہ رکھا ہی نہیں گیا،وکیل وفاقی حکومت نے کہاکہ ہمیں مزید مہلت دے دیں،عدالت نے کہاکہ آپ سنجیدہ ہوتے تو ہمیں کوئی رپورٹ ضرور جمع کراتے،عدالت نے 16اکتوبر کو نگران وزیراعظم کو پیش ہونے کا حکم دیدیا، عدالت نے نگران وزیراعلیٰ پنجاب محسن نقوی کو بھی پیش ہونے کا حکم دیدیا، عدالت نے کہا کہ ملک اور صوبے کے چیف ایگزیکٹو پیش ہوکر اپنا موقف واضح کریں، اگر وہ ذمہ داروں کیخلاف کارروائی نہیں کرنا چاہتے تو عدالت کو لکھ کر دیں۔
سائیکل بنانے والے معروف برانڈز کی3 قدیم پاکستانی فیکٹریاں بند
کراچی(پی پی آئی) موٹر سائیکلوں کی قیمتوں میں اضافے کے بعد سائیکلوں کے نرخ بھی آسمان سے باتیں کرنے لگے ہیں کیونکہ خراب معاشی صورتحال کے باعث مقامی طور پر سائیکل بنانے والے معروف برانڈز کی تین بڑی اور قدیم فیکٹریاں بند ہو چکی ہیں جس کے باعث اب زیادہ انحصار در آمدی سائیکلوں پر ہے، گزشتہ 15 ماہ کے دوران سائیکلوں کی قیمتیں ڈیڑھ سو فیصد تک بڑھی ہیں۔ماضی میں 9 ہزار روپے میں ملنے والی مقامی سائیکل اب گاڑی کھاتہ کی سائیکل مارکیٹ میں 20ہزار روپے میں دستیاب ہے۔اسی طرح10 ہزار میں ملنے والی در آمد شدہ سائیکل کی قیمت 24 ہزار روپے اور 18 ہزار والی سائیکل کی قیمت38 ہزار روپے تک پہنچ گئی ہے۔
تلاش کریں
خبریں
امپائر اسد رﺅف میچ فکسنگ میں ملوث نہیں تھے : وندو دارا سنگھ
(February 26, 2014)
نئی دہلی: بھارت میں میچ فکسنگ کے بڑے کردار وندو دارا سنگھ نے اعتراف کیا ہے کہ پاکستانی امپائر اسد رﺅف میچ فکسنگ میں ملوث نہیں تھے انہیں بلا وجہ بدنام کیا گیا۔ میچ فکسنگ اسکینڈل کی زد میں رہنے والے پاکستانی امپائر اسد روف پر2013 کے آئی پی ایل ایڈیشن میں سٹے بازی کا الزام لگا۔ اسد روف کو بدنام کرنے میں بھارتی میڈیا کے ساتھ ساتھ سابق کرکٹرز نے بھی اہم کردار ادا کیا۔ پاکستانی امپائر کا نام میچ فکسنگ کے بڑے کردار وندودارا سنگھ کے ساتھ بھی جڑا اور دونوں کی مبینہ ٹیپ بھی سامنے آئی لیکن اب وندودارا سنگھ ہی اسد روف کی بے گناہی کے گواہ بن گئے ہیں۔ 2005 سے 2013 کے درمیان39ٹیسٹ،98 ون ڈے اور23 ٹی ٹوئنٹی میچوں میں امپائرنگ کرنے والے اسد روف کا نام بھارتی ماڈل لینا کپور کے ساتھ بھی لیا گیا۔ دونوں کی قابل اعتراض تصاویر بھی سامنے آئیں۔ اسد روف پر لینا کپور کو جنسی طور پر ہراساں کرنے کا الزام بھی لگا ان اسکینڈلز کے باعث اسد روف پی سی بی اور آئی سی سی پینل سے بھی آوٹ ہوئے۔
آسٹریلوی کرکٹر بریڈ ہیڈن نجی مصروفیات کے باعث آئی پی ایل سے دستبردار
(February 26, 2014)
میلبورن: آسٹریلوی کرکٹ ٹیم کے وکٹ کیپر بلے باز اور نائب کپتان بریڈ ہیڈن نجی مصروفیات کے باعث رواں برس شیڈول آئی پی ایل کے ساتویں ایڈیشن سے دستبردار ہوگئے۔ ہیڈن نے حالیہ انگلینڈ کے خلاف کھیلی گئی ایشز سیریز میں غیر معمولی کارکرگی کا مظاہرہ کرتے ہوئے ٹیم کو ایشز میں تاریخی فتح دلانے میں اہم کردار ادا کیا تھا۔ ہیڈن کا شمار دنیائے کرکٹ کے مایہ ناز وکٹ کیپر اور بلے بازوں میں کیا جاتا ہے لیکن انہیں کئی بار انجریز اور قومی کرکٹ ٹیم کی خاطر آئی پی ایل سے دستبرداری اختیار کرنا پڑی۔ ہیڈن رواں برس آئی پی ایل سات میں حصہ نہ لینے والے چوتھے غیر ملکی کھلاڑی بن گئے ہیں۔ واضح رہے کہ اس سے قبل سری لنکا کے کمار سنگاکارا، جنوبی افریقہ کے کرس مورس اور انگلینڈ کے ایوان مورگن بھی ایونٹ میں حصہ نہ لینے کا اعلان کر چکے ہیں۔
جلد بازی کی وجہ سے پاکستان ٹیم جیتا ہوا میچ ہار گئی:محمد یوسف
(February 26, 2014)
کراچی: بنگلا دیش میں کھیلے جانے والے ایشیاءکپ کے افتتاحی میچ میں سری لنکا کے ہاتھوں پاکستان کی شکست پر تبصرہ کرتے ہوئے راولپنڈی ایکسپریس شعیب اختر کا کہنا ہے کہ مصباح، شاہد آفریدی اور عمر اکمل شکست کے ذمہ دار ہیں، پاکستان نے ایشیا کپ کا افتتاحی میچ سری لنکا کو پلیٹ میں رکھ کرپیش کر دیا۔ محمد یوسف نے شکست کا ذمے دار بیٹسمینوں کو قرار دیا ہے۔ سابق کپتان محمد یوسف کا کہنا تھا کہ جلد بازی کی وجہ سے پاکستان ٹیم جیتا ہوا میچ ہار گئی۔
دبئی ٹینس : جوکووچ اور سونگا دوسرے راﺅنڈ میں پہنچ گئے
(February 26, 2014)
کراچی: دفاعی چیمپئن نوواک جوکووچ اورفرانس کے جوولفریڈ سونگا دبئی ٹینس چیمپئن شپ کے دوسر ے راﺅنڈ میں پہنچ گئے۔ ادھرمیکسیکومیں جاری ایونٹ میں اسپین کے ڈیوڈ فیررنے دوسر ے راﺅنڈ کیلئے کوالیفائی کرلیا۔دبئی میں جاری ایونٹ کے مینزسنگلزکے پہلے راﺅنڈ میں سربیا کے نوواک جوکووچ نے ازبکستان کے ڈینس اسٹومن کیخلاف اسٹریٹ سیٹس میں کامیابی حاصل کی۔ جوکووچ کی فتح کا اسکورچھ تین اورچھ تین رہا۔ ففتھ سیڈ جوولفریڈ سونگا رومانیہ کے وکٹرہنسیکوکوچھ دواورچھ چارسے مات دیکردوسر ے راﺅنڈ میں پہنچ گئے۔ ارجنٹائن کے یوآن مارٹن ڈیل پوٹروکلائی کی انجری کے باعث بھارت کے سوم دیوکیخلاف میچ سے دستبردارہوگئے۔ ڈیل پوٹروپہلا سیٹ سات چھ سے ہارگئے جس کے بعد انہوں نے میچ سے دستبردارہونے میں ہی عافیت جانی۔۔ادھرمیکسیکومیں جاری کلیکورٹ ایونٹ میں ٹاپ سیڈ اسپین کے ڈیوڈ فیررنے قازقستان کے میخائل کوکوشکن کیخلاف کامیابی سمیٹتے ہوئے دوسر ے راﺅنڈ میں جگہ بنالی۔ فیررنے ایک گھنٹے ستائیس منٹ تک جاری رہنے والے میچ میں چھ دواورچھ تین سے فتح سمیٹی۔
جے وردھنے 600انٹرنیشنل میچز کھیلنے والے دنیا کے دوسرے کرکٹر بن گئے
(February 26, 2014)
کراچی: سری لنکن بیٹسمین مہیلا جے وردھنے 600انٹرنیشنل میچز کھیلنے والے دنیا کے دوسرے کرکٹر بن گئے۔ بھارت کے سچن ٹنڈولکر کو سب سے زیادہ664 انٹرنیشنل میچز کھیلنے کا اعزاز حاصل ہے۔ 1997 میں ڈیبیوکرنے والے سری لنکن بیٹسمین مہیلا جے وردھنے نے پاکستان کے خلاف ایشیا کپ میں اپنے کیرئیر کا 600 واں انٹرنیشنل میچ کھیلا۔ مہیلا جے وردھنے 143ٹیسٹ408 ون ڈے اور 49 ٹی ٹوئنٹی انٹرنیشنل میچز کھیل چکے ہیں۔ جے وردھنے اپنے 600 ویں میچ کو یادگار نہ بناسکے اور صرف 13 رنز بناکرپویلین لوٹ گئے۔ بھارت کے سچن ٹنڈولکر چھ سو سے زائد انٹرنیشنل میچز کھیلنے والے پہلے بیٹسمین ہیں۔ ٹنڈولکر نے کیرئیر کے دوران664 میچز کھیلے۔ ٹنڈولکر نے دو سو ٹیسٹ، چار سو تریسٹھ ون ڈے اور ایک ٹی ٹوئنٹی میچ کھیل رکھا ہے۔ انٹرنیشنل کرکٹ میں سب سے زیادہ ون ڈے میچز کھیلنے کا اعزاز بھی ٹنڈولکر کے پاس ہے جنہوں نے 463ون ڈے میچزمیں بھارت کی نمائندگی کی۔سری لنکن بلے باز سنتھ جے سوریا چار سو پینتالیس ون ڈے کھیل کر دوسرے اور مہیلا جے وردھنے چار سو آٹھ ون ڈے میچز کے ساتھ تیسرے نمبر پر ہیں۔
ٹی 20ورلڈ کپ : قومی ٹیم کا تربیتی کیمپ 3مارچ سے شروع ہوگا
(February 26, 2014)
لاہور: آئی سی سی ورلڈ ٹی ٹوئنٹی کی تیاریوں کےلئے پاکستان کرکٹ ٹیم کا تربیتی کیمپ 3مارچ سے نیشنل کرکٹ اکیڈمی لاہورمیں شروع ہوگا ۔ ایشیا کپ میں حصہ لینے والی پاکستانی ٹیم کی علاوہ چار کھلاڑی شعیب ملک ،کامران اکمل ،سہیل تنویر اور ذولفقار بابر کیمپ میں حصہ لیں گے ۔ کیمپ کی نگرانی کوچ منصور رانا کریں گے ۔