سیلاب سے بحالی کیلئے عالمی امداد، 9 ارب ڈالر کا فریم ورک تیار

اسلام آ باد(پی پی آ ئی) سیلاب سے بحالی و ریکوری کیلئے عالمی امداد، آئندہ 3 برسوں میں 9 ارب ڈالر کا فریم ورک تیارکرلیا گیا۔ذرائع وزارت اقتصادی امور کے مطابق رواں مالی سال کے دوران پاکستان کو تقریباً 3 ارب ڈالر تک ملیں گے، عالمی بینک، ایشیائی ترقیاتی بینک سے آئندہ ماہ تک رقم ملے گی۔ذرائع کے مطابق کثیرالجہتی اور باہمی معاہدوں سے ملنے والی رقم کیلئے وزارت منصوبہ بندی میں یونٹ قائم کیا جائے گا جبکہ رقم کے استعمال میں شفافیت کیلئے وفاقی حکومت ٹیکنیکل کمیٹی قائم کرے گی، عالمی بینک، اے ڈی بی، ایشیائی انفراسٹکچر بینک سے سیلاب سے ریکوری و بحالی پروگرام کیلئے 40 سال کیلئے قرض ملا ہے، عالمی مالیاتی اداروں سے ملنے والے قرض پر 1 فیصد اور ایک فیصد سے زائد شرح سود ادا کرنا ہو گا۔ذرائع کے مطابق اسلامک ڈویلپمینٹ بینک کے ساتھ تاحال کوئی ٹرم اینڈ کنڈیشنز فائنل نہیں ہوئی ہیں۔