پی ٹی آئی کی استعفوں کی منظوری کیخلاف فوری سماعت کی درخواست پر الیکشن کمیشن کو نوٹس

کرا چی (پی پی آ ئی) پی ٹی آئی کی استعفوں کی منظوری کیخلاف فوری سماعت کی درخواست پر الیکشن کمیشن کو نوٹس جاری کردیئے گئے۔سندھ ہائیکورٹ میں کراچی سے پی ٹی آئی کے مستعفی ہونے والے ایم این ایز کی استعفوں کی منظوری کیخلاف سماعت ہوئی۔پی ٹی آئی کے مستعفی ارکان اسمبلی عدالت کو درخواست پر فوری سماعت کی استدعا کی تو عدالت نے استفسار کیا کہ آپ کو کیا ایمرجنسی ہے کیوں آئے ہیں۔پی ٹی آئی اراکین نے عدالت میں مؤقف پیش کیا کہ ضمنی الیکشن 16 مارچ کو ہے، جب کہ عدالت نے ہماری درخواست کی سماعت کے لئے21 مارچ کی تاریخ مقرر کی ہے، اس وقت تک تو الیکشن ہوجائیں گے، ہماری درخواست فوری سنی جائے۔چیف جسٹس سندھ ہائی کورٹ نے ریمارکس دیئے کہ ہم درخواست کو سن کر فیصلہ کردیں گے۔عدالت نے پی ٹی آئی کی فوری سماعت کی درخواست پر الیکشن کمیشن کو نوٹس کاری کرتے ہوئے مقدمے کی سماعت کیلیے 7 مارچ کی تاریخ مقررکردی ہے۔