اسلام آباد(پی پی آئی)قومی احتساب بیورو (نیب) نے ایل این جی ریفرنس واپس لے لیا جس پر سابق وزیر اعظم شاہد خاقان عباسی سمیت تمام ملزمان کو بری کر دیا گیا۔پی پی آئی کے مطابق احتساب عدالت کے جج ناصر جاوید رانا نے کیس کی سماعت کی، شاہد خاقان عباسی وکلاکے ہمراہ عدالت میں پیش ہوئے۔دوران سماعت نیب کی طرف سے شاہد خاقان عباسی کے خلاف ایل این جی ریفرنس واپس لینے کیلئے درخواست دائر کی گئی۔ڈپٹی پراسیکیوٹر اظہر مقبول نے کہا کہ نیب شاہد خاقان عباسی کے خلاف ریفرنس واپس لے رہا ہے۔بعدازاں عدالت نے نیب کی ریفرنس والپس لینے کی درخواست پر فیصلہ سناتے ہوئے شاہد خاقان عباسی سمیت تمام ملزمان کو ایل این جی ریفرنس میں بری کر دیا۔واضح رہے کہ نیب نے اسی کیس میں 2019میں شاہد خاقان عباسی کو گرفتار کیا تھا اور نیب نے ریفرنس میں قومی خزانے کو 21 ارب روپے کا نقصان پہنچانے کا دعویٰ کیا تھا۔
Next Post
سندھ کابینہ کا اجلاس آج شام منعقد ہوگا
Tue Apr 30 , 2024
کراچی(پی پی آئی)سندھ کابینہ کا اجلاس یکم مئی کو طلب کرلیاگیا،تفصیلات کے مطابق وزیراعلی سندھ مراد علی شاہ نے بدھ یکم مئی کو شام ساڑھے چار بجے سندھ کابینہ کا اجلاس طلب کرلیا ہے۔ پی پی آئی کے مطابق سندھ کابینہ کے اجلاس کاایجنڈہ بھی جاری کردیاگیاہے۔