آزاد کشمیر حکومت کا غذائی ضروریات پوری کرنے کیلئے دوسرے صوبوں میں زرعی فارمز بنانے کا فیصلہ

مظفر آباد(پی پی آئی)آزاد کشمیر کی غذائی ضروریات پوری کرنے کیلئے وزیراعظم آزاد کشمیر نے سندھ، پنجاب، بلوچستان، خیبرپختونخوا اور گلگت بلتستان میں آزاد کشمیر کے بڑے زرعی فارمز بنانے کا فیصلہ کرلیا۔ اس حوالے سے سندھ میں 25 ہزار ایکڑ، بلوچستان میں ایک لاکھ ایکڑ، پنجاب میں 50 ہزار ایکڑ،خیبرپختونخوا میں 30 ہزار ایکڑ،گلگت بلتستان میں دو ہزار ایکڑ رقبہ الاٹ کرنے کیلئے حکومتوں کے وزرائے اعلیٰ کو خطوط لکھ دیے گئے ہیں۔پی پی آئی کے مطابق وزیراعظم آزاد کشمیر سردار تنویر الیاس خان کا کہنا تھا کہ زرعی فارمز کے قیام سے پاکستان کی معاشی ترقی میں اضافہ اور آزاد کشمیر اور صوبوں کے مابین روابط بڑھیں گے،زرعی فارمز کی ڈویلپمنٹ اور دیگر اخراجات حکومت آزاد کشمیر برداشت کرے گی۔