آصف زرداری کی چودھری شجاعت کو مشاورت سے نیا سیٹ اپ بنانے کی تجویز پرویز الٰہی اسمبلیاں تحلیل نہ کریں تو نئے سیٹ اپ میں وزیراعلیٰ چودھری شجاعت نامزد کریں

لاہور (پی پی آئی) سابق صدر آصف علی زرداری نے ٹیلی فونک رابطہ میں مسلم لیگ (ق) کے سربراہ چودھری شجاعت کو تجویز دی ہے کہ مشاورت سے نیا سیٹ اپ بنا لیتے ہیں لیکن آپ پرویز الٰہی کو سمجھائیں کہ اسمبلیاں تحلیل نہ کرے۔پی پی آئی کے مطابق آصف علی زرداری نے چودھری شجاعت کو یقین دلایا کہ نئے سیٹ اپ میں وزیراعلیٰ چودھری شجاعت کا نامزد کردہ ہو گا۔ذرائع کا دعویٰ ہے کہ چودھری شجاعت نے پرویزالہیٰ سے بات کرنے کی یقین دہانی کرائی ہے۔