مارشل آرٹس میں سب سے زیادہ ریکارڈ بنانے والے پاکستانی راشد نسیم نے ایک اور عالمی ریکارڈ اپنے نام کرلیا

کراچی (پی پی آئی) مارشل آرٹس کیٹیگری میں دنیا میں سب سے زیادہ ریکارڈ بنانے والے پاکستان کے راشد نسیم نے ایک اور عالمی ریکارڈ اپنے نام کرلیا۔راشد نسیم نے نن چکو کی مدد سے تیزی سے بوتلوں کے ڈھکن کھولنے کا عالمی ریکارڈ بنا دیا، راشد نسیم نے چین کے یوئی ہائی چوان کو شکست دیکر مجموعی طور پر 82 واں ریکارڈ قائم کیا۔پی پی آئی کے مطابق پاکستان کے راشد نسیم نے صرف 8.79 سیکنڈز میں 10 پانی کی بوتلوں کے ڈھکن کھول کر ورلڈ ریکارڈ قائم کیا۔ اس سے قبل یہ ریکارڈ چین کے یوئی ہائی چوان کے پاس تھا جنہوں نے 11.85 سیکنڈ میں سب سے زیادہ بوتلنے کھولنے کا اعزاز حاصل کیا تھا، راشد نسیم کی جانب سے ریکارڈ گنیز آف ورلڈ ریکارڈ کی سالگرہ کے موقع پر بنایا گیا۔یہاں یہ امر قابل ذکر ہے کہ راشد نسیم نے تمام 82 ریکارڈ اپنی مدد آپ کے تحت بنائے ہیں، انہیں حکومتی سرپرستی حاصل نہیں۔