امپورٹڈ حکومت میں ہمت ہے تو قوم کو توشہ خانہ کی مکمل تفصیلات دے:عمر سرفراز چیمہ

لاہور(پی پی آ ئی)مشیر داخلہ پنجاب عمر سرفراز چیمہ نے کہاہے کہ امپورٹڈ حکومت میں ہمت ہے تو قوم کو توشہ خانہ کی مکمل تفصیلات دے۔ مشیر داخلہ پنجاب نے کہاہے کہ امپورٹڈ کو فیک آڈیوز،، توشہ خانہ سے فرصت ملے تو ملکی تباہی پر بھی نظر دوڑائے، حکومت توشہ خانہ، جعلی آڈیوز کی ڈرامہ بازی سے معاشی تباہی سے توجہ ہٹانا چاہتی ہے۔انہوں نے کہا کہ عمران خان نے توشہ خانہ سے تحائف قانون کے مطابق لئے،امپورٹڈ حکومت میں ہمت ہے تو قوم کو توشہ خانہ کی مکمل تفصیلات دے، قوم جانتی ہے عمران خان واحد صادق وامین اور ملک و قوم کیلئے مخلص رہنما ہیں۔