آخری سانس تک لڑوں گی، ملک چوروں پر نہیں چھوڑوں گی:یاسمین راشد اسمبلی تحلیل سے سب کی کانپیں ٹانگ رہی ہیں،عمران سچ بولتاہے تو برا لگتا ہے پی ڈی ایم الیکشن اور عوام سے ڈر رہی ہے، یہ الیکشن سے کتنی دیر بھاگیں گے؟

لاہور(پی پی آئی)پاکستان تحریک انصاف سینٹرل پنجاب کی صدر اور صوبائی وزیر صحت ڈاکٹر یاسمین راشد نے کہا ہے کہ عمران خان کے اسمبلی تحلیل کے اعلان کے بعد سب کی کانپیں ٹانگ رہی ہیں۔ پی پی آئی کے مطابق وہ میڈیا سے گفتگو کررہی تھیں، ڈاکٹر یاسمین راشد نے کہا کہ پی ڈی ایم عوام سے ڈر رہی ہے، یہ الیکشن سے کتنی دیر بھاگیں گے؟انہوں نے کہا کہ یہ چاہتے ہیں الیکشن نہ ہوں، ہم چاہتے ہیں الیکشن ہوں، عمران خان سچ بول رہا ہے اور وہ سب کو برا لگتا ہے۔انہوں نے کہا کہ آخری سانس تک لڑوں گی، یہ ملک چوروں پر نہیں چھوڑوں گی۔انہوں نے کہا کہ سب مفرور واپس آرہے ہیں، آخری مفرور کو بھی بلایا جارہا ہے انہوں نے کہا کہ پہلے سب نے کہا اسمبلیاں تحلیل کر دیں، جب عمران خان نے کہا کہ اسمبلی تحلیل کر رہا ہوں تو ان کی کانپیں ٹانگنے لگ گئیں۔