محبوبہ مفتی کی نئی رہائشگاہ زیڈ پلس غیر محفوظ، دہشت گردوں کے حملوں کا خطرہ

سری نگر (پی پی آئی)مقبوضہ جموں و کشمیر کی سابق وزیر اعلیٰ محبوبہ مفتی نے اپنی گپکر رہائش گاہ سے بے دخلی پر سیکورٹی ایجنسیوں کو تنقید کا نشانہ بنایا ہے کیونکہ ان کا موقف ہے کہ نئی رہائش زیڈ پلس کودہشت گرد حملوں کا نشانہ بنا سکتے ہیں۔ انہوں نے یہ بھی کہا کہ ان کی نئی رہائش گاہ سے شہر کے مرکز تک 20 کلومیٹر راستے کو محفوظ بنانا مشکل ہے۔محبوبہ مفتی کے اہل خانہ نے کہاکہ پرانی رہائش گاہ سے نئی رہائش گاہ زیڈ پلس منتقلی سے پہلے انہیں خطرات کے بارے میں کچھ بھی نہیں بتایا گیا تھا کیونکہ انتظامیہ جان بوجھ کر نقصان پہنچانے کی کوشش کر رہی تھی۔ پی ڈی پی کی صدر محبوبہ مفتی نومبر میں شہر کے مضافات میں واقع کھمبر کی رہائش گاہ میں منتقل ہوگئی ہیں قبل ازیں گپکر میں واقع اعلیٰ حفاظتی ‘فیئر ویو’ رہائش گاہ سے انھیں بے دخل کردیا گیا تھاجہاں وہ 2005 سے رہ رہی تھیں۔