ڈریگنزکی دوسری پوزیشن، کھلاڑیوں کی حوصلہ افزائی کریں گے۔: جنید شاہ
کراچی (پی پی آئی)نیشنل انسٹی ٹیوٹ آف کراٹے ڈو پاکستان کے زیر اہتمام نکاپ یوم کشمیر کراٹے کپ کے مقابلے جمنازیم ہال ککری گراؤنڈ لیاری کراچی میں منعقد ہوئے جس میں نکاپیئن ٹائیگرز، ڈریگنز، وارئیرز، اسٹارز کے کراٹیکاز نے بھر پور حصہ لیا، پی پی آئی کے مطابقنکاپ یوم کشمیر کراٹے کپ میں مجموعی طور پر ٹائیگرز نے میدان مارکر پہلی پوزیشن اپنے نام کی جس کی ٹیم ٹرافی ساؤتھ ایشین چمپئن شھباز خان نے سندھ اولمپک ایسوسی ایشن کے چیئرمین ڈاکٹر سید جنید علی شاہ سے وصول کی اور نکاپ ڈریگنزنے دوسری پوزیشن حاصل کرلی جس کی ٹرافی سید علی کبیر زیدی نے وصول کی، نکاپ یوم کشمیر کراٹے کپ کے چیف جج ایشین کوالیفائیڈ ریفری سینسی عبدالرحیم جبکہ سینسی کرامت اللہ خان، سینسی نادر احمد، سینسی شہبازخان، سینسی سعیدعلی یوسفزئی، سینسی سیدکبیر علی زیدی، سینسی لطیف اللہ خان اور سینسی فاروق خان نے ریفری ججز اور ٹیکنیکل آفیشلز کے فرائض انجام دیئے۔