صدرعارف علوی نے پنجاب اور خیبرپختونخوا میں انتخابات کی تاریخ دے دی

اسلام آ باد/لاہور/پشاور(پی پی آ ئی) صدر مملکت ڈاکٹر عارف علوی نے پنجاب اور خیبرپختونخوا میں انتخابات کی تاریخ دے دی۔صدر مملکت نے الیکشن ایکٹ 2017 کے سیکشن 57 ایک کے تحت 9 اپریل بروز اتوار کو پنجاب اور خیبر پختونخوا کی صوبائی اسمبلیوں کیلئے انتخابات کا اعلان کر دیا۔صدر عارف علوی نے اپنے موقف میں کہا کہ کسی بھی عدالتی فورم کی جانب سے کوئی حکم امتناع نہیں، سیکشن 57 ایک کے تحت صدر کے اختیار کے استعمال میں کوئی رکاوٹ نہیں۔انہوں نے کہا کہ آئین اور قانون 90 دن سے زائد کی تاخیر کی اجازت نہیں دیتا، الیکشن کمیشن ایکٹ کے سیکشن 57 دو کے تحت الیکشن کا پروگرام جاری کرے، آئین کے تحت آئین کے تحفظ اور دفاع کا حلف لیا۔