عوامی فلاح و بہبود کو مد نظر رکھ کر کم ترقی یافتہ ممالک کی مدد کی جانی چاہئے: وزیر اعظم

دوحہ(پی پی آئی)وزیراعظم شہبازشریف 2 روزہ سرکاری دورے پر دوحہ پہنچ کر اپنے ٹو ئٹر پیغام میں کہاکہ امیر قطر تمیم بن حمد الثانی کی دعوت پر دوحہ پہنچا ہوں،اقوام متحدہ کی کم ترقی یافتہ ممالک کی پانچویں کانفرنس میں شرکت کروں گا۔وزیراعظم کاکہناتھا کہ ایشیا اور افریقی ممالک کو درپیش چیلنجز سے متعلق پاکستان کا موقف پیش کروں گا،سب سے کم ترقی یافتہ ممالک کو موسمیاتی تبدیلیوں اور وبائی امراض کا سامنا ہے،وزیراعظم شہبازشریف نے کہاکہ کم ترقی یافتہ ممالک خوراک اور توانائی کی فراہمی میں جیوسٹرٹیجک رکاوٹ سے متاثر ہیں، عوامی فلاح و بہبود کو مد نظر رکھ کر کم ترقی یافتہ ممالک کی مدد کی جانی چاہئے۔