طاہر نجمی اردو صحافت میں استاد کا درجہ رکھتے تھے: شرجیل میمن
کراچی (پی پی آئی)صوبائی وزیر اطلاعات سندھ شرجیل انعام میمن نے روزنامہ ایکسپریس کے ایڈیٹر طاہر نجمی کے انتقال پر تعزیت کا اظہار کرتے ہو ئے کہا کہ طاہر نجمی ایک بااصول اور منجھے ہوئے صحافی تھے۔انہوں نے تمام عمر اظہارِ رائے کی آزادی کے لئے جدوجہد کی وہ اردو صحافت میں استاد کا درجہ رکھتے تھے۔انہوں نے بہت محنت سے اپنی ٹیم کے ساتھ روزنامہ ایکسپریس کو اس مقام تک پہنچایا۔ان کا دنیا سے چلے جانا شعبہ صحافت کا بڑا نقصان ہے۔ وزیر اطلاعات سندھ نے دعا کی کہ رب العزت مرحوم کو اپنے جوارِ رحمت میں اعلیٰ مقام عطا فرمائے اور لواحقین کو صبرِ جمیل عنایت کرے۔