پنجاب اوپن ٹینس چیمپئن شپ رشید ملک نے جیت لی

لاہور: پنجاب اوپن ٹینس چیمپئن شپ رشید ملک نے منیر عاشق کو ہرا کر جیت لی۔رشید ملک کہتے ہیں کہ حکومت کی سرپرستی کی صورت میں ہی بہترین ٹینس پلیئرز سامنے لائے جاسکتے ہیں۔ باغ جناح لاہور کے ٹینس کورٹ میں ہونیوالی چھ روزہ چیمپئن شپ میں مختلف ایج گروپ کے مقابلے ہوئے۔مینز سنگل میں رشید ملک نے منیر عاشق کو چھ ایک چھ ایک لیڈیز سنگل میں اوشنا سہیل نے ردا خالد کو شکست دیکر ٹائٹل اپنے نام کئے۔انڈر 18میں میاں بلال،انڈر فورٹین میں حمبل،انڈر ٹوائیلو میں نالعین عباس،انڈر ٹین میں عبداللہ عدنان فاتح رہے۔رشید ملک کا کہنا تھا کہ حکومتی سرپرستی ملنے کی صورت میں ہی ٹینس میں نیا ٹیلنٹ اور چیمپیئن سامنے آئیں گے۔ آخر میں سپانسر ادارے کے حکام نے چیمپئن شپ کے فاتح کھلاڑیوں میں انعامات تقسیم کئے۔