مستونگ ہسپتال میں ایمر جنسی نافذ،طبی و نیم طبی عملہ کی چھٹیاں منسوخ

مستونگ(پ ر)شہید نواب غوث بخش رئیسانی میموریل ہسپتال مستونگ میں عام انتخابات کے روز میڈیکل ایمرجنسی کے نفاذ کے حوالے سے اجلاس ہوا۔ چیف ایگزیکٹو آفیسر ڈاکٹر سعید احمد میروانی نے بتایا کہ ہسپتال میں ایمرجنسی نافذ کر دی گئی. ڈاکٹرز، میڈیکل و پیرا میڈیکل اسٹاف کی چھٹیاں منسوخ کردی گئی۔ اس حوالے سے ہسپتال کے ڈاکٹرز و دیگر اسٹاف کو ہدایات جاری کر دی گئی۔کسی بھی نا خوشگوار واقع سے نمٹنے کیلئے ہنگامی اقدامات کرنے کی ہدایت کردی گئی، ساتھ ہی ایمبولینسز کو اسٹینڈ بائی رکھنے کی ہدایت بھی کردی گئی۔ ہسپتال میں انتظامیہ ڈاکٹرز، پیرا میڈیکل اسٹاف اور ہر قسم کی ادویات کی موجودگی یقینی بنانے کی ہدایت کی گئی ہے۔