کراچی میں پولیس اور پی ٹی آئی کارکنان میں جھڑپ

کراچی(پی پی آئی)شہر قائد کے علاقے تین تلوار میں پولیس اور پی ٹی ا?ئی کارکنان میں جھڑپ کا مقدمہ درج کر لیا گیا، جس میں صوبائی قیادت سمیت 131 افراد کو نامزد کیا گیا ہے۔، جن میں خرم شیر زمان، فہیم خان، سعید آفریدی اور عدیل احمد سمیت دیگر 75 رہنما شامل ہیں۔پولیس حکام کا کہنا ہے کہ مقدمہ 4 سے 5 ہزار پی ٹی آئی کارکنان کے خلاف درج کیا گیا ہے، جس میں دہشت گردی، سرکاری املاک پر حملے، ہنگامہ آرائی، بلوہ، لوٹ مار سمیت دیگر دفعات شامل ہیں، پی پی آئی کے مطابق یہ مقدمہ سرکار کی مدعیت میں تھانہ فریئر میں درج کیا گیا ہے۔مقدمے کے متن کے مطابق  پی ٹی آئی رہنماؤں نے کارکنان کو اشتعال دلایا اور پولیس پر حملہ کر دیا، فائرنگ اور پتھراؤ سے خوف و ہراس پھیلا، کاروبار بند ہوا اور بھگدڑ مچی، اس ہنگامہ آرائی میں 15 افراد گرفتار ہوئے۔