بلوچستان کے سرکاری ہسپتالوں میں ہنگامی صورتحال سے نمٹنے کیلئے ایمرجنسی نافذ

کوئٹہ(پی پی آئی)  بلوچستان میں الیکشن 2024 کے دوران تمام ہسپتالوں میں کسی بھی ہنگامی صورتحال سے نمٹنے کے لیے ہیلتھ ایمرجنسی نافذ کردی گئی ہے۔ پی پی آئی کے مطابق بلوچستان کے تمام ہسپتالوں کے ایم ایس، چیف ایگزیکٹیوز اور ڈسٹرکٹ ہیلتھ افسران اپنے متعلقہ ہسپتالوں، انسٹی ٹیوٹ اور شعبہ جات میں چوبیس گھنٹے تمام ضروری انتظامات کو یقینی بنانے کے ذمہ دار ہوں گے تمام میڈیکل سپرنٹنڈنٹس ڈی ایچ اوز، ڈی ایس ایم پی پی ایچ آئی اپنے اضلاع میں جان بچانے والی ادویات، خون، آکسیجن اور دیگر ضروری میڈیکل ضروریات کی اضافی فراہمی کو یقینی بنائیں گے۔

Latest from Blog