بلاول سے متاثر ہو کرنوجوان پیپلز پارٹی کی طرف آ رہے ہیں: شیری رحمان

لاہور (پی پی آئی) پیپلز پارٹی کی رہنما شیری رحمان نے کہا ہے کہ  پیپلز پارٹی دھونس اور دھمکی سے نہیں ڈرتی، نوجوان بلاول سے متاثر ہو کر پیپلز پارٹی کی طرف آرہے ہیں۔پیپلز پارٹی کی رہنما شیری رحمان کا دیگر کا لاہور میں پریس کانفرنس کے دوران کہنا تھا کہ یہ ایک الیکشن ہے، کوئی دنگل نہیں۔ لاہور میں پیپلز پارٹی کے آنے سے انہیں تکلیف ہے، ٹی وی پر بیٹھ کر کہہ رہے ہیں کہ انتخابات کے بعد دیکھ لیں گے۔ انتخابات پْرامن طریقے سے ہونے دیں۔ پاکستان کے ہر ووٹر کو ان کا حق ملنا چاہیے۔ کوئی بھی کہیں سے الیکشن لڑ سکتا ہے۔ بلاول بھٹو نے کہا ہے کہ ہم نے ملک سے نفرت اور تقسیم کو ختم کرنا ہے۔