حب میں دوبارہ گنتی کے تنازع پر فائرنگ سے 2 افراد جاں بحق، 8زخمی

حب چوکی(پی پی آئی)بلوچستان کے ضلع حب میں صوبائی اسمبلی کے حلقے پی بی 21 میں ووٹوں کی دوبارہ گنتی کے تنازع پر فائرنگ سے دو افراد جاں بحق جبکہ 8 زخمی ہوگئے۔ریسکیو حکام کے مطابق حب میں سوک سینٹر کے باہرفائرنگ سے مرنے والوں کی تعداد2 جبکہ فائرنگ سے زخمی ہونے والوں کی تعداد8 ہوگئی ہے۔ پی پی آئی کے مطابق پولیس  کا کہنا ہے کہ جاں بحق افراد اور زخمیوں کی شناخت کا عمل جاری ہے، زخمیوں کوطبی امدادکیلئے  سول اسپتال لے جایا گیا ہے۔