موڈیز نے پاکستان کے بینکنگ سیکٹر کی ریٹنگ منفی سے مستحکم کردی

کراچی(پی پی آئی)عالمی ریٹنگ ایجنسی موڈیز نے پاکستان کے بینکنگ سیکٹر کی ریٹنگ منفی سے مستحکم کردی، ساتھ ہی ساتھ موڈیز نے 5 بڑے بینکوں کی مقامی کرنسی میں کھاتوں کی ریٹنگ کو بڑھا کر بی تھری کر دیا۔ پی پی آئی کے مطابق موڈیز کی جانب سے پاکستانی بینکوں سے متعلق رپورٹ جاری کی گئی ہے جس میں پاکستانی بینکوں کے غیر ملکی کرنسی کھاتوں کی ریٹنگ کو بڑھا کر سی اے اے ون کر دیا گیا،موڈیز کی جانب سے پاکستانی بڑے بینکوں کی طویل مدتی ریٹنگ کو بھی مستحکم کر دیا گیا،عالمی ریٹنگ ایجنسی نے پاکستان کے بینکنگ سیکٹر کا آوٹ لک منفی سے مستحکم کردیا ہے۔یاد رہے کہ اس سے قبل ملکی بینکنگ سیکٹر کے غیر ملکی کرنسی کے کھاتوں کی ریٹنگ سی اے اے ٹو تھی۔

Latest from Blog