پاکستان سمیت دنیا بھر میں خواتین کا عالمی دن منایاگیا

کراچی(پی پی آئی)پاکستان سمیت دنیا بھر میں جمعہ 8مارچ کوخواتین کا عالمی دن منایا جا رہا ہے، اس دن کو منانے کامقصد صنف نازک کو درپیش مسائل اور ان کے حل کی کوششوں کو اجاگر کرنا ہے۔ پی پی آئی کے مطابق  رواں برس خواتین کا عالمی دن ’ترقی کیلئے خواتین پر سرمایہ کاری‘ کے عنوان سے منایا جا رہا ہے، تقریباً نصف آبادی پر مشتمل پاکستانی خواتین انتہائی نامساعد حالات کا شکار ہیں، ملکی معیشت میں عورتیں 70 فیصد حصہ ڈالتی ہیں لیکن خواتین کی شرح خواندگی انتہائی کم ہے، 34 فیصد لڑکیاں ہائی سکول تک پہنچتی ہیں، پاکستان میں 2 کروڑ بچے سکول نہیں جاتے ان میں ایک کروڑ 40 لاکھ لڑکیاں ہیں۔