ہندو برادری نے رنگوں بھرا تہوار ”ہولی“  جوش و خروش کے ساتھ منایا

کراچی(پی پی آئی)پاکستان سمیت دنیا بھر میں آباد ہندو برادری نے پیر کے روز اپنا رنگوں بھرا مذہبی تہوار ”ہولی“ بھرپور جوش و خروش کے ساتھ منایا۔پی پی آئی کے مطابق بہار کے موسم کی آمد پر منائے جانے والے ہندوؤں کے مذہبی تہوار ہولی کو ”رنگوں کا تہوار“بھی کہا جاتا ہے، ہولی کی تقریبات دو دن چلتی ہیں، پہلے دن مختلف رسومات ادا ہوتی ہیں اور رنگ بکھیرے جاتے ہیں، بچے اور بڑے ایک دوسرے پر رنگ پھینکتے ہیں،ملک بھر بالخصوص صوبہ سندھ کے شہروں و دیہات بالخصوص کراچی، مٹھی، حیدرآباد، جیکب آباد اور تھانو بولا خان میں ہولی کی تقریبات منعقد ہوئیں  جن میں ہندوؤں کیساتھ مسلم برادری کے افراد نے بھی شرکت کیاور رواداری اور مذہبی ہم آہنگی کا اظہارکیا۔

Latest from Blog