شیخ رشید، زرتاج گْل سمیت 59 ملزمان کو 9 مئی مقدمات کے چالان کی نقول فراہم

راولپنڈی(پی پی آئی)راولپنڈی کی انسداد دہشت گردی عدالت نے سانحہ 9 مئی کے مقدمات میں سابق وفاقی وزیر شیخ رشید، شیخ راشد شفیق اور زرتاج گْل سمیت 59 ملزمان کو چالان کی نقول فراہم کردی ہیں، آئندہ سماعت پر فرد جرم عائد کرنے کی کارروائی کی جائے گی۔ سانحہ 9 مئی سے متعلق 3 تھانوں (تھانہ ٹیکسلا، مورگاہ، کینٹ) کے مقدمات کی سماعت انسداد دہشتگردی عدالت کے جج ملک اعجاز اصف نے کی۔پی پی آئی کے مطابق شیخ رشید، سابق رکن قومی اسمبلی صداقت عباسی، کرنل ریٹائرڈ اجمل صابر راجا اور زرتاج گل اپنے وکلا کے ہمراہ عدالت میں پیش ہوئے۔عدالت نے تفتیشی افسران کو چالان کی نقول پیش کرنے کا حکم دیا اور مقدموں میں دہشت گردی کی دفعات پر بھی سوالات اٹھائے۔

Latest from Blog